Haustferie

Torsdag den 11. oktober. Nydeligt haustvær sol og ein fin austlig bris.
Me starta ut frå båthamna i Eldøy i femtida. Turen gjekk til Husnes
gjestehamn. Det var begynt å bli mørkt når me kom fram.

I havna var det 7-8 andre cabincruserer som også var på hausttur.
Det var nokså kjølig om kvelden så det er godt å ha landstraum og ein
god vifteovn som står på bles varm luft.

Me våkna til ein ny fin dag me fin soloppgang og heilt vindstille.
Etter frukost blei det tur til sentrum og ein del shopping på kjøpesenteret.

Fredagsettermiddag måtte me hiva laust og starta på heimturen.
No fekk me ein fin austlig vind mellom 5-9 m/s. Og me seilte slør med
genoa og reva storseil. Farten SOG var oppe i 9 knop.

Det går fint å seila med cocpitkalesjen på.
Kanskje dette vart den siste overnattingsturen i år?

Laste bøye frå Draugen-feltet klar for opphogging.

Wartsila Windjammer Race 2012

Årets store happening for Stord Seilforening er Wartsila Windjammer Race som gjekk av stabelen
lørdag den 6. okt. Med heile 50 båtar påmeldt.
Og med relativt fine værmeldingar låg det an til å bli ein fin regatta.

Grunnen til denne seine oppdateringa på bloggen har sikkert litt med å gjera att plasseringa
ikkje blei som forventa denne gangen heller.
Me blei nr 37 ovar all, men tross alt 7 plasser betre enn ifjor.
Målet var å vera på midten av resultatlista, eller helst betre enn da også.
Men det kjem sikkert nye muligheter snart.......

Det er alltid lett i etterkant å sjå kor me valgte feil rute, og når genaker ikkje blir heist opp
på ein rett måte. Men me lærer stadig.

Utan tvil er starten svært viktig, her blei me liggande i eit "stille belte". Men fekk til
slutt vind og på vegen mot Hidle fekk me opp genakeren.
Fin bidevind opp til Ilholmane som me klarte å stå rett opp utan slag.
Ved runding av Ilhomane, såg det ut til at det skulle bli ein fin genakerseilas til mål,
men i staden for vart det heilt vindstille.

Me rek mot Tittelsnes, og det vart bingo om kven som fekk litt vind. Til slutt fekk me også
litt vind igjen og kom oss i mål.


Mannskap på Chablis var: Pim, Leif Rune, Per Svein og Harald.

Alle ombord var samde om at det hadde vært ein fin seilas i vekslande vind og vær.
Vind frå 0 til 5 m/s, og ein del regnbyger.

Liten oppdatering

Lenge siden sist eg oppdaterte bloggen.
Har vært på overnattingstur med heile familien til Naustbakken på Bømlo.
Kjekt med ein hausttur og ekstra kjekt når været er bra.

Solnedgang på Bømlo

Var også ein kveldstur til Leirvik med internasjonalt mannskap.
To frå Finland, to frå Malaysia, Pim frå Thailand forutan meg og Johanna.
Det var ein frisk austlig vind, der me kun seilte med ein del av genoaen.
Men farten var bra, 6.5 knop, og passelig krenging for dei som aldri hadde vært
i seilbåt før.

Har også deltatt på sesongens siste tirsdagsseilas.
Denne gangen var det 9 båtar med.
Start frå Leirvik med styrbord runding av Hidle.
Fin vind, men med svært mykje straum i fjorden.
Syntes at farten i båten var god, men me skulle stått litt lenger
mot Hidle før me vende. Hadde ikkje genakeren oppe denne gang.
Med frisk austlig vind opp i 10 m/s og regn, så valgte me kaffie og sjokolade
i stadenfor.
Ein fin tur denne gangen også, der me til slutt vart nr 5.
Mannskap: Per Svein og Joao.

Tirsdagsseilas på feil plass

Dvs. at i dag følte eg at me var på feil plass på regattabanen heile tida,
i forhold til vind og straum. Dette kan ein lett i etter tid heilt opplagt sjå og bortforklara.
I seiling kan det væra kjekt å ha litt flaks av og til. Noko eg føler er langt
mellom kvar gong det skjer.

Vind var det lite av i starten. Me starta med genaker, og etter alt for mykje kluss med heising
av den fekk me den til slutt opp. Men då var dei anrde båtane midtfjords.
Det er ikkje lett å seila platt lens med genaker, så det vart litt "kryssing" mot Otterøya.

Etter runding av Otterøya var det kryss tilbake til Eldøyane og mål.
Følte ei stund at me fekk ein fin "lift" mot Skjersholmane, men det varte ikkje lenge.
Gjekk alt for langt ut i fjorden, som resulterte i at me blei tatt av straumen.

9 båtar stillte til start i dag, Nord austlig vind frå 2 til 7 m/s på slutten, då regnet kom.
Men tross alt ein fin tur på fjorden denne kvelden også.

Bergen Singlehanded

Foto: Lars Henrik Hjellestad og Casper Garvik Larssen

Har deltatt i Pelle P Bergen Singlehanded regatta i helga. Som navnet seier så har ein ikkje lov til å ha mannskap med ombord.
Var usikker på om eg skulle delta heilt til det var 5 minutt igjen før tidsfristen for påmeldinga
gjekk ut.
Eg var då nr 62 som meldte seg på regattaen. Det vart ein kjempeflott opplevelse.

Tok turen til Hjellestad i 2 etapper. Først fra Eldøy til Fitjar torsdag den 6.9. Så vidare fredagen etter arbeidstid, var framme på Hjellestad ca kl 1900.

S/Y Silje

Fredagskvelden inviterte John alle fra Stord Seilforening ombord til gryterett med noko attåt.
Det vart ein kjekk kveld med mykje seilprat om strategi, seil, lys-tal osv.

Lørdagen og avgårde til starten som gjekk kl 1100. Med vind fra vest  som var meldt aukande til 10 m/s for så å stillna til 3 m/s utover ettermiddagen.

Starten har gått

 Første gang eg deltar i regatta åleina og med så mange båtar på startstreken. Litt for sein i starten som vanleg, valgte å gå opp mot land på lo side ut mot Marstein. Det gjekk bra, og ved Marstein så var eg fornøyd med plasseringa.
Vinden auka på og bølger på 2 meter, fekk eg ein lite kjekk vending. Akterlik stramaren på genoan hengte seg opp i lina til vimpelen som er festa på masta. Med blafrande seil og sjøgang fekk eg heldigvis løysna genoan, og kunne forsetja mot den nordlegaste rundingsbøyen ute i havet.

Marstein fyr

Seilte litt "defansivt" utover, for å unngå å missta styringa og ufrivilleg gå over stag.
Det var godt å runda og få sløra til neste merke utanfor Marstein fyr.
Etter jibbing rundt ein av redningsselskapet sine båter der var det strake veien mot mål.
Men så stillna vinden og utan genaker på sløren så tok mange båtar meg igjen.

Eg såg sjansen til å seila forbi Free Spirit ein  båt av samme type som min, som hadde vært framfor meg under heile regatten. Eg valgte å gå litt meir midt i fjorden og klarte å "reka" forbi. Og kom i mål nokre sekundar før.

Etter målplassering så var det motorseiling heimover. Var i framme i Eldøya ca. kl 2200.
Ei flott seilerhelg som fristar til gjentakelse.

Det var 7 båtar fra Stord Seilforening som deltok, svært bra.
Kan legga til at eg vart nr 5 i klassen. (av 8 båtar). Og nr 49 overall.

Tirsdagsseilas med frisk vind

Tirsdag den 4. sept. I dag var det meldt kuling fra sør vest.
Starten gjekk frå Eldøy med babord runding av Otterøy.
6 båtar stillte til start.
Med vind styrke over 17 m/s og regnbyger vart det ein frisk seilas.
Me seilte med godt inn reva både storseil og genoa.
Etter rudning  av Otterøya var farten over 10 knop.

Med godt  mannskap i dag som bestod av Per Svein og Joao,
så vart det ein fin tur.
Me vart båt nr. 2 i mål. Men  på utrekna tid så ble det kun 4. plass.

Rosendal

 Tur til Rosendal for å delta på korseminar med Songlaget Stordabuen.

Fredag den 31. august var det fin seilevind frå Eldøyane nesten til Uskedalen.
Vind frå sør/vest styrke 7-9 m/s. Ein flott seilas med solnegang når eg
nærma meg Rosendal.

Etter eit kjekt seminar så var det tid for heimreise søndag ettermiddag.
No med mindre og vekslande vind i tillegg til regnbyger.


Ser ut til at autopiloten endelig fungerer slik den skal. Den styrte heile vegen utan å plutselig
å endra kurs. Håper at eg kan stola på den no.